කියාදෙන්න මට එකම එක හේතුවක් ....
වහලෙකුව හුස්ම ගන්නට....
පහදන්න මට නුඹට හැකිනම්
නුඹත් මමත් පව්කාරයන් වන්න මාවතක් .....
නොපෙනෙනා දෙවියෙක්ට
භීතියෙන් මුසපත්ව යටත් කළ යුතුද පැණ ඇස ....
ඔහුගේ උදහසට බියෙන්
අඳුරු අවිදු ගුහා ගැබක සැඟව ගැහෙමින්....
සිතීමේ විමසීමේ නිදහස මවිසින්ම අහිමි කරගෙන
තිරස්චීන අතීතයේ
පදනම් රහිත මනෝ ප්‍රලාපයකට අනුව
ලෝකයම දකින්නට , කන්න බොන්නට, හුස්ම ගන්නට
පඹයෙකු විලසින්
හේතුවක් නොවැටහේ මට .....
හදවතත්, බුද්ධියත්
හොදත් නරකත්
උතුම් මනු දහමත් මිසක
හිස නැවිය යුතු
සර්ව බලධරයෙකු
නොපෙනේ මටනම් ......
සිනාවත් කදුලැලිත්
ජීවිතය පුරාවට
කලවමට ගලා යයි ...
අහබු දිය ඇළි සමග ...
මද හසින් පිළිගැනුම
හෝ නැගිට සටන් කෙරුම මිස
කවර පලයද යාදිනි ගයා ,
දෙදන බිම ඇණ???
අප වපත දේ පමණි
අප නෙලන්නේ .....
අතීතය විසින් අප උරළු
නෑ කුළ ගොතින් සවි කළ
මුග්ධ කම බිම හෙලා
නිදහස් විය යුතු දවසකි
අද එළඹ ඇත්තේ ....
නිල් අහස යට
තණ පලස මත
දිය ඌල ළග
දියවෙන්න දෙන්න
ජීවිතය
නිදහසින් මුසපත්ව....
ලේ රසට ගිජුව
වැනසුවා ඇති අපි අපිම
රදළ බැමි බිද හෙලා
වහල් කම වනසලා
ලූ ලෙසට පෙර දිනක
යුගය ඇත එළඹ
සටන් කළ යුතු
මිනිසුන්ට හුස්ම ගන්නට දෙන්නට
මිනුසුන් විලසටම
අඳුරු ශාපයන්ගෙන් මිදී...
පෙළ ගැසෙමු බුද්ධියෙන්....
No comments:
Post a Comment